Жетістіктер және жүлделер
2023 жылдың 24 - ақпан күні «Тарих және педагогика» факультеті, «Психология және арнайы педагогика» кафедрасының профессоры, педагогика ғылымдарының докторы Жолдасбеков Абдиманап Абдразахович Ғылым және жоғары білім министрі Саясат Нурбектің табыстауымен «ҚР ЖОО-ың үздік оқытушысы» төсбелгісімен марапатталды. Профессор бұл атаққа үш рет, яғни 2005ж., 2011ж., 2022 жылы иегер болып отыр. Кафедра және деканат ұжымы п.ғ.д., профессор А.А. Жолдасбековты «ҚР ЖОО-ың үздік оқытушысы» атағын алуымен құттықтаймыз! Ғылым мен білім жолында жастарға үлгі болып, биіктерден көріне беруіңізге тілектеспіз!
Сонымен қатар кафедраның п.ғ.м., оқытушы Каракпаева С.К. – Қазақстан Республикасы Педагогтар Қоғамының ұйымдастыруымен өткізілген «Білім беру ісінің үздігі-2023» республикалық байқауына белсене қатысып ұсынған жұмыстары үздік деп танылғаны үшін «Үздік педагог-психолог» номинациясымен марапатталды.
Кафедрамыздың меңгерушісі п.ғ.д., профессор Кабылбекова Заурет Бердикуловна «16-желтоқсан Қазақстан Республикасының Тәуелсіздік» күні мерекесімен Әлеуметтік және тәрбие жұмысы жөніндегі проректор С.Мәжінбековтың алғыс хатымен марапатталды.
Кафедраның оқытушысы Каракпаева Сарбиназ Куанышбековна «Үздік тәлімгер-2020» байқауының жеңімпазы атанды.
Психология ғылымдарының магистрі, Каракпаева Сарбиназ Куанышбековна «Даму» жастар қоғамдық бірлестігінен «Сурдопедагогикадағы инновациялық технологиялар» атты біліктілігін жоғарылату курсын бітірді.
Президент Қасым-Жомарт Кемелұлы Тоқаевтың «Сындарлы қоғамдық диалог-Қазақстанның тұрақтылығы мен өркендеуінің негізі» атты Қазақстан халқына арналған жолдауындағы білім саласындағы байланысты бағыттарын білім беру ұйымдарының педагогтары арасында кеңінен насихаттау мақсатында өткен «ЖОҒАРЫ ОҚУ ОРНЫНЫҢ ҰЗДІК ПЕДАГОГЫ-2020» атты республикалық байқау жеңімпазы «Психология және арнайы педагогика» кафедрасының оқытушылары Нурбекова Аида Муратбековна, Молдаханова Маржан Мадихановна, Каракпаева Сарбиназ Куанышбековна жеңіп алды.
