Жаңалықтар

     13 қараша күні Әл-Фараби  атындағы қалалық ғылыми-әмбебаб кітапханасында көрнекті мемлекет қайраткері, ғұлама ғалым Мұхаммед Хайдар Дулатидің 525 жылдығына арналған «Ұлы баба мұрасын ұлықтайық» атты оқырмандар конференциясы болды. Танымдық іс-шараға «Қазақстан тарихы» кафедрасының доценті, т.ғ.к. Карибаев Сәрсебай Өскенұлы (модератор), кафедра аға оқытушысы Қабыл Алғабек Әділбекұлы қатысып, «Әбу Насыр әл-Фараби мен Мұхаммед Хайдар Дулатидің мемлекет басшысының қасиеттері туралы көзқарастарындағы сабақтастықтар» және «Дулати зерттеушілері: тарих, таным, тағылым» тақырыптарында баяндама жасады. Конференция барысында мектеп, гимназия оқушылары шығармашылық қойылым ұсынып, күй өнерін көрсетті, өлең жырларын оқыды. Тартымды өткен шарада С. Карибаев және А. Қабыл кітапхана басшылығы тарапынан «Алғыс хатпен» марапатталды.