25 қазан – Республика күні.

Республика күніне орай «Shymkent city» шағын ауданында тарихи оқиға – мемлекеттік туды қаладағы ең биік биіктікке көтерудің салтанатты рәсімі өтті. Бұл іс-шараға тарих-педагогика факультетінің деканының тәрбие ісі жөніндегі орынбасары А.Акимбаев, ТП24-20р (ИП) тобының кураторы У.Т.Уразбакова және студенттер қатысты. Ту биіктігі 100 метрлік флагштокқа көтерілді. Өлшемі 30х15 метрлік алып баннер қазір қаланың үстінде мақтанышпен желбіреп, патриотизмнің символына айналып отыр. Жаңа ту тұғырының биіктігі Шымкенттің қарқынды дамып келе жатқанын және қаланың жаңа белестерді бағындыруға ұмтылысын көрсетеді. Биікте желбіреген мемлекеттік ту баршаны бір тудың астына біріктіріп, ерекше бірлік пен мақтаныш сезімін туғызады.