Жаңалықтар

          Абайдың арманындағы толық адамның іргетасы дінмен ұштасып, дінмен дамиды және дінмен жетіледі. Адамзат өркениетіндегі барлық игі қасиеттер: дін, иман, ғылым, білім, тәрбие, әдеп, өнер, құқық, іскерлік, тапқырлық, қайраткерлік, азаматтық, жомарттық, әділеттік т.б. бойында жетілдіре білген, дамытқан адам – Абай ұсынған «толық адам» концепциясына толық лайықты бола алады.

       М.Әуезов ОҚУ-нің 80-жылдық мерейтойына орай «Тарих және педагогика» факультеті, «Жалпы педагогика және психология» кафедрасының ұйымдастыруымен  «Абайдың «Толық адам» концепциясы атты  ғылыми-әдіснамалық семинар өтті. Семинарда Түркістан қаласы, Қожа Ахмет Ясауи атындағы халықаралық қазақ-түрік университетінің «Қазақ филология» кафедрасының ф.ғ.к., доценті М.Әліпхан Абай ұсынған «Толық адам»  концепциясы туралы  дәріс оқыды.

   Семинарға факультет деканы Қ.М.Уразбаев, «Жалпы педагогика және психология» кафедрасының ПОҚ құрамы,  докторанттар, магистранттар және студенттер қатысты.