Жаңалықтар
Әуезов университетінің «Жыл Аруы-2022» байқауының жеңімпаздары анықталды
«Тарих және педагогика» факультетінің 1 курс студентті Минаимбекова Дидара Ильясқызы «Жыл Аруы 2022» байқауына қатысып, «Ең көрікті ару» номинациясымен марапатталды. Байқаудың басты мақсаты қыз балаларға адамгершілік, адалдық, әсемдік, әдемілік, іс - қимыл, жүріс - тұрыс, қыз сымбаты түрлерін терең түсіндіре отырып, олардың өнерлерін, ұшқыр ойларын, іс - әрекетке деген икемділігін анықтап, одан әрі дамыту болып табылады.
Байқауға өтініш білдірген 100-ден аса қатысушылардан іріктеліп, сұлу да сымбатты, ақылы мен көркі сай 14 қыз бақ сынады. Байқау ережесіне сәйкес жарысқа қатысушы қыздар өздерінің заманауи бағытта дайындаған киім үлгілерімен дефиле өнерін көрсетіп, музыка ырғағында синхронды би билеп, арнайы дайындалған сұрақтарға жауап берді.
Қазылар алқасы байқауға қатысушылардың сұлулығына ғана емес, туған халқының салт-дәстүрлерін білуіне және шығармашылық қабілеттеріне аса мән беріп, тиісінше баға берді. Факультет аруымыздың алған марапаты жемісті болсын. Бұл тамаша марапатты зор қуанышпен қабылдадық. Сіз табандылық және шеберлік танытып осы байқауда біздің факультетіміздің мерейін үстем ете білдің.Аруымызға жаңа жеңістер мен табыстар тілейміз!
