Жаңалықтар
«Заманауи педагогика және психология» кафедрасында студенттердің ғылыми практикалық конференциясы
М.Әуезов атындағы Оңтүстік Қазақстан университетінің, «Тарих және педагогика» факультеті, «Заманауи педагогика және психология» кафедрасының ұйымдастыруымен Мұхтар Әуезовтың 125-жылдығына арналған «Жаңару мен жаңғыру жолындағы Жаңа Қазақстан: студенттердің ғылыми ізденістерінің нәтижесі» атты XXVI-шы ғылыми практикалық конференциясы өтті.
Студенттердің ғылыми практикалық конференциясы мақсаты: студенттерді ғылыми-зерттеу жұмысына бағыттау, олардың шығармашылық белсенділігін дамыту, болашақ мамандардың жоғары оқу орындарында алған білімін, дағдысын жүзеге асыруға дайындығын қалыптастыруға, ғылыми әдістемені, зерттеу тәжірибесін меңгеруге көмектеседі, жоғары кәсіби білімі бар мамандар даярлаудың деңгейін көтеру, талантты жастарды анықтау.
Кафедра меңгерушісі, педагогика ғылымдарының кандидаты Бөлетова Ляззат Алпысбайқызы кіріспе сөз алып қатысушыларға сәттілік тіледі. Секция жұмысының модераторлары: педагогика ғылымдарының кандидаты, доцент Примбетова Сәуле Кульбаевна, оқытушы, магистр Байрова Айзат Дүйсенбайқызы конференция нәтижелері бойынша марапаттау рәсімін өткізді.
Марапаттарыңыз құтты болсын, жас ізденушілер!
